Mevlud dhe tribunë fetare - 26.11.2017
Me rastin e ditëlindjes së Muhammedit s.a.v.s., më 26 nëntor 2017, xhamia jonë organizoi këndim mevludi dhe një ligjëratë fetare. Ligjëruesi i ftuar enkas për këtë rasti ishte Emin ef. Odai, imam në Biel/Bienne të Zvicrës, i cili ligjëroi në temën: "Muhammedi a.s. - njeriu me virtyte të larta morale".
Koncerti islam në Kreuzlingen, 2017
Më 5 shkurt 2017, për herë të katërt, tanimë në mënyrë tradicionale, Xhamia “Hëna e re” nga Kreuzlingeni organizoi koncertin islam me këndim Kur’ani, ilahije, recitime, humor, lojë shpërblyese për fëmijë etj.
Dua hatmeje e grave nga Kreuzlingeni, 2017
Më 19 shkurt 2017, e diel, pas namazit të drekës, në xhaminë tonë “Hëna e re” në Kreuzlingen u mbajt një program me rastin e përmbylljes së leximit të Kur’anit (hatmes) nga ana e 12 grave në mësimin fetar të organizuar vetëm për gra të rritura pranë mektebit të xhamisë sonë, nën kujdesin e mualimes Ibadete Neziri.
Konfirmandët e vizitojnë xhaminë tonë, 2017
Si çdo vit, edhe sonte, xhaminë tonë e vizitoi një grup prej 17 nxënësve të kl. 9, të cilët përgatiten për "konfirmacionin" sipas botëkuptimit të kishës së reformuar evangjeliste në Kreuzlingen nën udhëheqjen e priftit Dr. Damian Brot dhe famullitarit Tobias Günter.
Festimi i njëvjetorit të Forumit të Grave Muslimane në Kreuzlingen
Më 27 nëntor 2016 Forumi i Grave Muslimane (FGM) pranë xhamisë shqiptare “Hëna e re” në Kreuzlingen festoi njëvjetorin e themelimit të tij. Të pranishme ishin afro 30 gra muslimane dhe jo-muslimane. Fillimisht u raportua për aktivitetet njëvjeçare që i ka zhvilluar ky forum...
Festë e dyfishtë në xhaminë tonë
Sot, më 2 tetor 2016, xhamia jonë festoi dyfish: 1. Vitin e ri hixhrij 1438, 2. Pagesën e borxhit ndaj bankës.
Në ora 10 nisi, si zakonisht, mësimi fetar me fëmijët e mektebit. Sot nuk pati mësim, sepse ishte ditë feste. Nxënësit ngjyrosën shkrime të ndryshme me mesazhe urimi për vitin e ri islam, frynë ballonë...
Ligjëratë për gratë: "Gruaja dhe Islami"
Në organizim të Forumit të Grave Muslimane pranë Bashkësisë Islame Shqiptare "Hëna e re" në Kreuzlingen, më 5 mars 2016, pas namazit të akshamit, në xhaminë tonë në Kreuzlingen u mbajt një ligjëratë fetare enkas për gratë me temën "GRUAJA DHE ISLAMI". Ligjëruese ishte mr. Zelije Sulejmani-Bunjaku nga Cyrihu.
Ligjëratë: "Misvaku në Islam dhe në shkencë"
Më 23 janar 2016, pas namazit të jacisë, patëm rastin që ligjërues në xhaminë tonë në Kreuzlingen ta kemi Dr. Naim Alilin, dentist i diplomuar dhe doktor i stomatologjisë. Tema e ligjëratës ishte: "Misvaku në Islam dhe në shkencë".
Takim informativ i FGM dhe ligjëratë fetare
Më 6 dhjetor 2015, pas namazit të drekës Forumi i Grave Muslimane në Kreuzlingen organizoi një takim informativ ku u prezantua Forumi, synimet dhe projektet e tij; si dhe u mbajt një ligjëratë nga hafize Emine Sopi.
Integrim e jo asimilim
Një kontribut i "TV ART" nga Tetova lidhur me integrimin e muslimanëve shqiptarë në Zvicër. Një shembull i mirë për këtë shërben xhamia jonë "Hëna e re" nga Kreuzlingeni...
Tribunë islame me Mr. Ferit ef. Zekirin
Më 28 shkurt 2015 në xhaminë tonë "Hëna e re" në Kreuzlingen u mbajt një tribunë fetare, me ç'rast ligjërues ishte Mr. Ferit ef. Zekiri, imam në Regensdorf dhe njëkohësisht arkëtar i Unionit të Imamëve Shqiptarë në Zvicër.
Kur "zemërohet" zemra! - Tribunë me kardiokirurgun Dr. Omer Xhemali
Doktor Omer Xhemali i shërben komunitetit në mënyra të ndryshme. Specialisti i sëmundjeve të zemrës në Spitalin e Cyrihut dhe ligjërues në universitete të botës, para dy ditësh ishte i ftuar nga xhamia «Hëna e Re» në Kreuzlingen.
Seite 21 von 23






